नरेंद्र मोदींना अटक करण्याची कॉंग्रेसमध्ये धमक नाही- ममता बॅनर्जी

बेहरामपुर- नरेंद्र मोदींना अटक करण्याची कॉंग्रेसमध्ये धमक नाही, असे म्हणत ममता बॅनर्जी यांनी कॉंग्रेसवर तोफ डागली. शुक्रवारी घेतलेल्या पत्रकार परिषदेत कॉंग्रेसवर टिका करत आम्ही मोदींना जेलमध्ये पाठवु असेही त्या म्हणाल्या. कॉंग्रेस आणि भाजप यांच्यामध्ये खेळ चालु आहे ज्यामध्ये जनतेच्या डोळ्यात धुळफेक केली जात आहे. मोदीच पंतप्रधान असल्याचे चित्र तयार केलेजात आहे. मुल जन्माला येण्याआधीच लग्नाचा विचार करणे या पध्दतीचे वातावरण तयार केले जात असल्याचेही त्यांनी सांगितले.

बंगालच्या मुख्यमंत्री ममता बॅनर्जी पुढे बोलताना म्हणाल्या कि, कॉंग्रेस पक्षाने भाजपावर अंकुश ठेवणे गरजेचे आहे, जे त्यांच्याकडुन होत नाही.मोदींचे सरकार आले तर खालच्या जातीतील बांधवांना जगणे मुश्किल होणार आहे. कॉंग्रेस भ्रष्टाचाराला बढावा देत आहे. बिजेपी ची वाढ होण्यास कॉंग्रेस आणि सी.पी.एम हे वैयक्तीक जबाबदार असल्याचेही त्यांनी सांगितले.